निर्वाचन आयुक्तले भने कानून नबनाएसम्म चुनाव हुन सक्दैन

काठमाडौं १४ पुस । निर्वाचन आयोगले आयोगले निष्पक्ष र स्वच्छ निर्वाचन गराउने दाबि गर्दै आएता पनि पहिला कानून  नबनाई सरकारले केही दिनमा नै चुनावको मिति घोषणा गर्ने तयारी गरिरहेको समाचार आईरहेको बेला प्रमुख निर्वाचन आयुक्त डा अयोधिप्रसाद यादवले सबै तहको निर्वाचन गराउन आयोग तयार रहेको भएपनि अहिलेसम्म सरकारले कानुन दिन नसकेको हुँदा कानून नभए सम्म चुनावको मिति घोषणा गर्न नसकिने बताएको छ ।

सरकारले कानुन दिए फास्ट ट्रयाकबाट ९० दिनमा चुनाव गर्न सकिने उनले बताए । ‘चुनावका लागि चाहिने १३० दिन नै हो ’ नेपाली रेडियो नेटवर्कको नेपाली बहसमा ऋषि धमलासँग कुराकानी गर्दै प्रमुख आयुक्त यादवले भने, ‘दलहरु तयार छन् भने हामी सबै कुरामा फास्ट ट्रयाकबाट ९० दिनमा चुनाव गराउन सक्छौ । उनले पहिला कुनको चुानाव गर्ने हो त्यो पनि प्रष्ट पार्नुपर्ने बताए ।  उनले भने,‘निर्वाचनको मिति घोषणा गरेरमात्रै हुँदैन, त्यसको लागि ऐन÷कानून र स्रोत साधन चाहिन्छ ।’

राष्ट्रलाई निकास दिनकोलागि निर्वाचन आयोग सँधै तयार रहेको उल्लेख गर्दै यादवले भने,‘अहिले देशव्यापी रुपमा निर्वाचनको ठूलो माग छ, म आँफै मधेश, पहाड र हिमालका धेरै ठाउँमा जाँदा त्यहाँका जनताहरुको चुनाव हुनुपर्छ भन्ने माग छ, आयोग यसमा गम्भिर छ ।’

यादवले यदि स्थानीय तहको निर्वाचन गर्ने हो भने त्यसका लागि चाहिने मतदाता नामावली ऐन, राजनीतिक दलसम्बन्धी ऐन, निर्वाचन कसुर तथा सजाय ऐन, स्थानीय तह कार्यविधि ऐन तथा स्थानीय तह निर्वाचन कार्यविधि ऐन पारित भए र स्थानीय तह पुनःसंरचना आयोगको प्रतिवेदन उपलब्ध गराउनुपर्ने बताए ।

यादवले आगामी २०७४ माघ ७ गतेभित्रै तीन वटै निकायको निर्वाचन गर्नुपर्ने संवैधानिक बाध्यता भएकोले त्यसको लागि सबै मिलेर अघि बढ्नुको विकल्प नभएको बताए ।

अबभने राजधानीका बासिन्दाहरुले मेलम्चीको पानी खान पाउने भए

 १४ पौष काठमाडौः राष्ट्रिय गौरवको बहुचर्चित र प्रतीक्षित मेलम्ची खानेपानी आयोजनाको सुन्दरीजल-सिन्धु सुरुङमा बुधबार पहिलो ‘ब्रेक थु्र' भएको छ । सुन्दरीजलबाट खन्दै अगाडि गएको सुरुङ सिन्धुबाट खन्दै आएको सुरुङमा बुधबार दिउँसो तीन बजे मिसिएको हो । यो सुरुङ खण्ड सबैभन्दा लामो ९.४ किलोमिटर लम्बाइको छ ।

‘अझै यस्ता दुईवटा विन्दुमा काम सम्पन्न हुन बाँकी छ,' आयोजनका प्रमुख घनश्याम भट्टराईले भने, ‘आज भएको यो पहिलो कामले अब तोकिएकै समयमा उपत्यकाबासीले मेलम्ची पानी प्रयोग गर्न पाउने विश्वास बढेको छ ।' २०७४ असोजभित्र उपत्यकावासीलाई मेलम्चीको पानी पुर्‍याउने आयोजनाको लक्ष्य छ ।

आयोजनाअन्तर्गत कुल २७ किलोमिटर सुरुङ मार्गमध्ये अहिलेसम्म २०.३८ किलोमिटर सुरुङ निर्माण भइसकेको छ । अब ५ हजार ५ सय २९ मिटर सुरुङ निमार्ण गर्न बाँकी रहेको आयोजनाप्रमुख भट्टराईले बताए । ‘सुरुङ निमार्णको करिब ८० प्रतिशत काम भइसकेको छ,' उनले भने । आयोजना सम्पन्न हुन अडिटसहित २७.५ किलोमिटर सुरुङ खन्नुपर्छ ।

बुधबारको ब्रेक थु्रसँगै अब सिन्धुदेखि ग्यालथुमसम्म निर्माण भइसकेको दुई किलोमिटरसहित सुन्दरीजलबाट ११.६ किलोमिटर सुरुङ निर्माण सम्पन्न भएको छ । आयोजनाले ग्यालथुम-अम्बाथान सुरुङको ब्रेक थ्रु पनि केही समयमै गर्ने उल्लेख गरेको छ । सिन्धु-ग्यालथुम सुरुङमार्गको ब्रेक थु्रमा भने केही समय लाग्ने आयोजनाले जनाएको छ ।

अब आयोजनाअन्तर्गत सिन्धुदेखि ग्यालथुमसम्मको २.८ किलोमिटर र ग्यालथुमदेखि अम्बाथानसम्मको २.७ किलोमिटर सुरुङ खन्न बाँकी रहेको आयोजनाले उल्लेख गरेको छ ।

अहिलेसम्म निर्माण भएको सुरुङमध्ये सन् २००९ देखि २०१२ सम्म काम गरेको चिनियाँ कम्पनीले ६.४ किलोमिटर सुरुङ निर्माण गरेको थियो । चिनियाँ कम्पनीले त्यसबापत १८ मिलियन डलर रकम लगेको थियो ।

चिनियाँ कम्पनीको ठेक्का रद्द भएपछि इटालियन सीएमसी कम्पनीसँग २०१३ जुलाईमा कुल एक सय २० मिलियन डलरको लागतमा सुरुङ निर्माणको सम्झौता भएको थियो । सन् २०१६ सेप्टेम्बर सम्ममा काम सम्पन्न गर्नुपर्ने भए पनि आयोजना लागतमा ४० मिलियन डलर थप गर्दै ६ महिना समयावधि थपिएको थियो ।

निर्माण कम्पनीले भने २०१७ अक्टोबरमा सम्पन्न गर्ने गरी काम गरिरहेको छ । तीन सय १७ मिलियन डलर कुल लागत रहेको आयोजना सम्पन्न भएपछि पहिलो चरणमा दैनिक १७ करोड लिटर पानी राजधानी भित्रिनेछ । दोस्रो चरणमा याङ्ग्री र लार्के खोलाको १७-१७ करोड लिटर पानी थप्ने आयोजनाको लक्ष्य छ । 

(अन्नपूर्ण पोस्टबाट साभार)

प्रचण्ड सरकारको निर्णय सर्बोच्चले उल्टाई दियो

१३, पौष काठमाडौं : कुलमान घिसिंगले लोडसेडिंग हटाउन गरेको काममा असहयोग तथा भाँजो हालेको भन्दै सञ्चालक समिति सदस्य अग्रवाल, मिश्र र लामिछानेलाई प्राधिकरणका संचालक पदबाट हटाएर ऊर्जा मन्त्रालयले पुस ४ गते गरेको निर्णय गर्दै तीनजक्ना ब्यक्तिहरु लाई  नयाँ सदस्य नियुक्त गरेको थियो ।

 

लोडसेडिङ हटाउने अभियानमा वाधा गरेको भन्दै नेपाल विद्युत प्राधिकरण सञ्चालक समितिका तीनजना सदस्यहरुलाई हटाउने उर्जा मन्त्रालयको निर्णयलाई तत्कालको लागी कार्यान्वयन नगर्न बुधबार सर्वोच्चका न्यायाधीश प्रकाशमान सिंहको एकल इजलासले अन्तरिम आदेश जारि गरेको  छ ।

मन्त्रालयको निर्णयविरुद्ध सदस्य लामिछानेले पुस १२ गते सर्वोच्चमा रिट दायर गरेका थिए ।

आफ्नै पर्खाल भत्काएर सडक विभागले सडक चौडा बनाउन थाल्यो

१३, पौष हेटौडा: २५ मिटर सडक कायम गर्ने सिलसिलामा दुईहप्ता अगाडी सडक विभागले राजमार्गको दायाँबायाँ सडक अतिक्रमण गरेर बनाईएको घर, टहरा र पर्खालहरु भत्काउने सूचना जारि गरेको थियो ।

सूचना अनुसार हिजोबाट भत्काउने योजना भएतापनि प्राबिधिक कारणले गर्दा आजबाट काम सुरु भएको छ र त्यस सिलसिलामा सडक विभागले आफ्नै पर्खाल भत्काएर कार्यको श्रीगणेश गरेको छ ।

कुनै बाधा अबरोध उत्पन्न नभए हेटौडाको त्रिभुवन तथा महेन्द्र राजमार्ग चौडा हुनेछ तर आफुलाई बिकासबादी भन्न रुचाउने एमाले पार्टीका केहि नेताहरु भने हेटौडा बजार मानव बस्ति भएकोले बचाउनु पर्ने भन्दै हेटौडा बजारको बीच भएर जाने त्रिभुवन राजपथ अहिले जस्तो छ त्यस्तै हालतमा हुनु पर्छ भन्दै आएका छन ।

किन बुझ्दैनन् प्रचण्ड आयोगको प्रतिबेदन

काठमाडौँ, पुस १३ गते: दुई दिन अगाडी पुर्व प्रधानमन्त्री तथा प्रमुख प्रतिपक्षी दलका नेता के.पी शर्मा वलीले ‘प्रधानमन्त्री बनेपछि उद्घघाटन र भाषण गर्न जान्न भन्ने       प्रधानमन्त्री हिजोआजक कोटको गोजीमा सलाई र कैची बोकेर हिडन थालेका छन’ भनेर भन्ने भ्याय । वलीले एक हद सम्म ठिकै कुरा गरेका हुन किनभने प्रधानमन्त्री सरकारी खर्चमा हेलिकोप्टरको सयर गर्दै दिनहु औचित्यहिन कार्यक्रममा जाने गरेका छन ।

वली सरकारले निर्वाचन गराउन सकेन त्यसैले  म सकारमा जानासाथ् निर्वाचन गराउछु भनेर  प्रधानमन्त्री प्रचण्डले भनेका थिए ।  निर्वाचन गराउनु भन्दा अगाडी स्थानीय तह पुनःसंरचना आयोगले सरकारलाई प्रतिवेदन बुझाउनु पर्न हुन्छ र सरकारको आदेसानुसार निर्वाचन आयोगले निर्वाचनको तिथि घोषणा गर्ने हो तर बनेर तयार भएको प्रतिबेद्न बुझ्ने मिति अझै तय हुन सकेको छैन । आयोगले एक साताअघि नै प्रतिवेदन सरकारलाई बुझाउने तयारी गरे पनि प्रधानमन्त्रीको समय पाउन नसक्दा आयोगले प्रतिवेदन बुझाउने मिति अनिश्चित बन्दै गएको हो ।

प्रधानमन्त्री प्रतिबेदन बुझ्न किन मान्दैनन ?

संबिधान बनेर तयार भयो तर छिमेकी भारतले नेपालको संबिधान मान्दैनौ भनेर निकै महिना सम्म नेपाललाई दुख दियो । छिमेकीको राजनीतिमा चासो दिनु पर्ने कुनै जरुरि पन्बी हुन्न तर छिमेकी भारत नेपालको राजनीतिमा नराम्रो संग हावी भएको परिणामको कारणले गर्दा अहिले सम्म नेपालको संबिधान पुर्णरुपमा लागु हुन सकेको छैन ।

संबिधान संसोधन गर्छु भन्ने बाचा गरे पछी प्रचण्ड प्रधानमन्त्री भएका हुन । प्रचण्ड एक्लैले चाहँदैमा संबिधान संसोधन गर्न सक्दैनन्भने सरकारका सहयारी नेपाली कांग्रेस भित्र त संबिधान संसोधनको बिरुद्धमा आफ्नै सांसदहरुले ‘जेहाद’ छेडेर पार्टी सभापतिलाई अप्ठ्यारोमा पारि दिएका छन ।

पार्टी एकीकरण हुनुभन्दा अगाडी सम्म संबिधान संसोधनको बिरोध गर्ने रा.प्र.पा अध्यक्ष कमल थापा पनि अहिलेको संबिधान संसोधन हुनुपर्छ भन्ने पक्षमा छैनन् । मधेसबादीहरुको माग अर्थात छिमेकी भारतलाई खुसि पार्नकै लागी भए पनि कुनै पनि हालतमा संबिधान संसोधन पारित गरेर देखाउन पर्छ तर प्रचण्ड र देउवाको लागी संबिधान संसोधन गरेर देखाउनु भनेको मौसम बिग्रेको समयमा सगरमाथा चढ्न जानु जस्तै हो । यस्ता यावत कुराहरुले गर्दा प्रधानमन्त्री प्रचण्डले चाहेर पनि आयोगको प्रतिबेदन बुझ्न नसकेको हो कि भन्ने भान पर्दैछ ।

प्रधानमन्त्री पुष्पकमल दाहालको दैनिक कार्यसूचीमा हिजो मङ्गलबार १०:३०  बजे आयोगका पदाधिकारीसँग सिंहदरबारमा भेट गर्ने कार्यक्रम उल्लेख भए पनि प्रधानमन्त्रीको व्यस्तताका कारण जनाउँदै भेटघाट कार्यक्रम रद्द भएको थियो त्यसैले हिजो पनि  प्रधानमन्त्री र आयोगका पदाधिकारीबीच छलफल हुने कार्यक्रम रोकियो  ।

आयोगका सदस्य डोरमणि पौडेलका अनुसार मङ्गलबार अध्यक्षले प्रधानमन्त्रीलाई भेट्न नसकेपछि अब बुधबार प्रधानमन्त्रीलाई भेट्ने समय प्रधानमन्त्रीले दिनुभएको छ । बुधबार पनि आयोगका अध्यक्ष पौडेलले प्रधानमन्त्रीले भेट्ने समय नदिए आयोगले कसरी प्रतिवेदन सरकारलाई बुझाउने भन्ने बैठक बसेर निर्णय गर्ने पौडेलले बताएका छन । पौडेलले भने ‘आयोगले धेरै मिहिनेत गरेर प्रतिवेदन बनाएको छ । अब ग्रहण गर्ने वा नगर्ने काम सरकारको हो । ’

आयोगका अनुसार ७२५ को हाराहारीमा स्थानीय तहका एकाई रहने गरी आयोगले प्रतिवेदन बनाएको छ ।

पहिलो चरणमा ५६५ स्थानीय तह बनाउने मापदण्ड तयार गर्दा उक्त मापदण्डप्रति राजनीतिक दल तयार नभएपछि सरकारको निर्देशनमा आयोगले न्यूनतम ५०७ देखि अधिकतम ७४४ वटा स्थानीय तह बनाउन सकिने गरी नयाँ मापदण्ड तयार गरेको थियो ।

दाताहरुले भने तिनलाख दिने भन्ने बारेमा हामीलाई नसोधी किन निर्णय गरियो ?

१२, पौष २०७३ : घांटी हेरेर हांड निल्नु भन्ने उखानलाई वास्ता नगरी देसको ढुकुटीमा के कति रकम छ र दाताहरुले दिन्छन कि दिन्नन भन्ने कुनै लेखाजोखा नराखी प्रधानमन्त्री पुष्पकमल दाहाल 'प्रचण्ड' ले सस्तो लोकप्रियताको लागी लिइएको निर्णय अब भोलागेको बेलामा खाएको तातो पिंडालु जस्तै हुने भएको छ । 

प्रधानमन्त्री पुष्पकमल दाहाल अध्यक्ष रहेको राष्ट्रिय पुर्निर्माण प्राधिकरण निर्देशक समितिको असोज १० गते वसेको वैठकले भूकम्पपीडितलाई घर बनाउन दिने अनुदान रकम दुई लाखबाट बढाएर तीन लाख रुपैयाँ पुर्‍याउने निर्णय गरेको थियो तर भूकम्पपीडितलाई घर बनाउने सरकारले दिने भनेको तीन लाख रुपैयाँ घटाएर दुई लाखमा झार्न दातृ निकायहरुले भने निरन्तर दबाब दिन थालेका छन् ।

दातृ निकायले आफूहरुसँग छलफल नै नगरी सरकारले अनुदान रकम बढाउने निर्णय गरेको र विगतको सम्झौतामा पीडितलाई घर बनाउन दुई लाख रुपैयाँ मात्रै दिने निर्णय भएको भन्दै थप एक लाख कटौती गर्न दबाब दिएका हुन् भनेर आजको नागरिक दैनिकमा समाचार छ ।

अनुदान रकम नबढाउन बढी दबाब दिनेमा विश्व बैंक, अमेरिकी सहयोग नियोग युएसएड र जापान सहयोग नियोग जाइका छन् ।

कान्ति राजमार्ग अब चै बन्ला कि

पौष ११, हेटौडा: भौतीक पुर्बाधार तथा यातायात ब्याबस्था मन्त्री रमेश लेखकले हेटौडाबाट ललितपुर जोड्ने कान्तिलोकपथ निर्माणको काममा सरकारले बजेटको कुनैपनि कमि हुन नदिने बताउनुभएको छ । पुर्बपस्चिम राजमार्गको बैकल्पीक सडकको रुपमा निर्माण भईरहेको कान्तिलोकपथ निर्माणको अबलोकन गर्दै ललितपुरबाट ब्याबस्थापीका संसदको बिकाश समिति र सरकारको एकैसाथको हेटौडा भ्रमणका क्रममा आउनुभएका मन्त्री लेखकले यस्तोकुरा बताउनुभएको हो ।

मन्त्री र विकास समितिका सांसद सहितको टोलीले जिल्ला बिकाश समिति मकवानपुरको हलमा कान्तिलोकपथका बारेमा सबैकुराको जानकारी सहित यसका बारेमा जानकारी गराएका थिए ।  हेटौडाको बुद्धचोकबाट ललितपुर सम्म ९० किलोमिटर लम्बाई रहेको यस लोकपथ निर्माणका लागि सरकारले ध्यान दिएर काम गरिरहेको बताउनुभयो । यो सडकलाई कुनैपनि हालतमा चाडो भन्दा चाँडो निर्माणको काम सकेर चालु हालतमा ल्याउने सरकारको तयारी रहेको मन्त्री लेखकले बताउनुभयो ।

कुल २ अरब रुपैयाँमा कालोपत्रे पिचको काम सक्नेगरी बहुबर्षिय योजनाका साथ यस सडकमा काम भईरहेको बताउँदै उहाँले भन्नुभयो–हामी बिहान देखि यो सडकको अबलोकन र अन्तरकृया गर्दै यहाँ सम्म आईपुग्नु भनेको यो आयोजना छिटो निर्माण गर्न सजिलो होस भनेरनै हो ।’

यो सडक निर्माण सुरु भएको ५८ बर्षपछी बल्ल सार्थक रुपमा काम सक्न लागेकाले यसमा स्थानियको त्यतीकै सहयोग आबस्यक रहेको बताउनुभयो । कान्तिलोकपथ निर्माणको क्रममा ललितपुर क्षेत्रमा एक सय १० करोड र मकवानपुर क्षेत्रमा ९० करोड रुपैयाँ लगानीमा काम सकिने उहाँको भनाइृ छ । यो सडक निर्माण भईसकेपछी राजधानि संग तराईलाई जोड्ने गतिलो मार्ग बन्ने अपेक्षा समेत उहाँले ब्यक्त गर्नुभयो । 

अनुगमनका क्रममा हेटौडा आईपुग्नु भएका ब्याबस्थापीका संसदको बिकाश समितिका सभापति रबिन्द्र अधिकारीले कान्तिलोकपथ निर्माण गर्नका लागि सरकारले कुनैपनि कमि नराख्न समेत आग्रह गर्नुभयो । यस आयोजनामा काम गर्ने निर्माण ब्याबसायहिरुले ध्यान दिएर काम गरेमा समयमानै सकिने उहाँको भनाई छ । यस सडकका लागि स्थानियको लगाब र चासो बिना बिकाश संभब नभएकाले सबैको उत्तिकै चासो आबस्यक रहेको उहाँले बताउनुभयो । कार्यक्रममा कान्तिलोकपथ आयोजनाका प्रमुख देबेन्द्र साहले २०१३ सालमा कच्चि सडका रुपमा निर्माण सुरु भएको यस सडकले अबको केही बर्षमानै काम सकिने हालतमा पुगेको बताउनुभयो । 

अहिले कान्ति राजपथ निर्माणका लागि १४ वटा ठेक्काको संझौता अनुसार काम जारी रहेको बताउँदै उहाँले भन्नुभयो–९० किलोमिटरको यस सडकमा ७९ किलोमिटर पिच गर्ने, ७ मिटर चौडाईमा पिच गर्ने, साढे नौ मिटर कटिङ गरेर सडक फराकिलो बनाउने काम गरिने छ ।’ यस बर्ष यस सडकको काम गर्नका लागि ६० करोड रुपैयाँ मात्र बिनीयोजित भएको उहाँको भनाई छ । सडक आयोजनाले त्यस क्षेत्र भित्र पर्ने खानेपानी र बिधुतका पोलहरु आफै स्थान्तरण गर्ने जनाएको छ ।

(हेटौडा खबरबाट साभार)

बगरेको छुरा खसी, बोकोमा हजामको छुरा नेपालीहरुको गलामा रेटीदैछ

११,पौष २०७३: पंचायती शासनकाल अर्थात २०४६ साल भन्दा अगाडी सम्म नेपालमा संघ तथा संगठन खोल्न निषेध गरिएको थियो । सरकारको आदेस तथा कानून नमान्ने जोकोहीलाई पनि कारबाही गर्न सक्ने अधिकार पुलिसलाई दिएको थियो । पुलिसको डरले गर्दा पनि नचाहिने काम गर्ने हिम्मत जोकोहीले पनि गर्न सकेका थिएनन ।

२०४६ सालमा नेपालमा दोश्रो पटक प्रजातन्त्र लागु भयो । संघ तथा संगठन खोल्ने देखि वाक स्वतन्त्रताको छुट सबैले पाए । मौकामा चौका हान्न जानेकाहरुले त्यो दिन देखि आज सम्म आफ्नो दुनो सोझ्याउने मौका राम्रै संग पाएका छन ।

२०४७ सालमा  कपाल काटेको रु ५/- र दार्ही काटेको रु ३/- लिने गरेका हजामले अहिले भूकम्पको बहाना बनाएर कपाल काटेको रु १००/- र दार्ही काटेको रु ६०/- भनेर शुल्क तोकेका छन । 'रास्ट्र देखि सरकार प्रमुख सम्मको गला नाप्ने बानि परेका' हजामहरुले कुनै डर तथा संकोच नमानिकन निर्धक्क संग आफ्नो सेवा शुल्क बढाएका हुन ।

हेर्दा थोरै देखिने तर प्रतिसतको मापनलाई हेर्ने हो भने गगन चुम्ने गरि सेवा शुल्क तोक्न नेपालका नाईहरु अग्रपंक्तिमा देखिएतर अनुगमन गर्ने कसले ?

यो सामान्य शैलुनहरुमा लागू भएको मूल्य सूचि हो तर यस भन्दा बाहेक पनि आ-आफूले समेत मूल्यसूचिहरु राख्ने गरेका छन् । सर्वसाधारण नागरिकले यसबारे सिधै प्रश्न उठाउँदैनन् जस्को कारण शैलुनहरुले बढाएको मूल्यबारे कमैलाई जानकारी हुन्छ तर, शैलुन पुग्नेहरुले भने मूल्यवृद्धि बारे जानकारी पाएका छन् र मूल्य एकै पटकमा बढी बढाइएको उनीहरुको भनाई छ । 

नेपाल नाई संघको तथ्यांअनुसार अहिले देशैभर साढे १३ हजार सैलुन सञ्चालित छन् भने ती शैलुनमा कपाल काट्ने कामदारको संख्या झण्डै डेढ लाख छन् । र, उनीहरुले पनि मूल्य बढाएको स्वीकार गरेका छन् ।

दुवै मृगौला पिडित आमाछोरालाई सहयोग रकम हस्तान्तरण

१०, पौष/जनकमान डंगोल:मकवानपुर जागरण अभियानले दुवै मृगौला पीडित भएका आमा छोरालाई उपचारार्थ सहयोग संकलन गर्दै आएको थियो ।  दुबै मृर्गौला फेल भई आर्थिक अभावमा उपचार गर्न नसकेका आमा ४२ वर्षीय विनिता उप्रेती तथा छोरा २१ वर्षीय आशिष उप्रेतीलाई  आज हेटौडामा पत्रकार सम्मेलन गरेर ४ लाख ५२ हजार ५ सय ६० रुपैँया रकम हस्तान्तरण गरेको हो ।

विभिन्न सञ्चार माध्यममा आर्थिक अभावमा उपचार नहुँदा मृत्यु कुर्दै आमा छोरा भन्ने समाचार प्रकाशन भएपछि जागरण अभियानले सहयोग संकलन अभियान सुरु गरेको थियो । रौतहटको चन्द्रनिगहापुर घर भई हेटौडामा ठेलामा फलफुल ब्यवसाय गर्दै आएकी उप्रेती आफै र उनका छोरा आशिषको दुबै मृर्गौला फेल भएपछि उनीहरु उपचार अभावमा छटपटाएको देख्न नसकेर सहयोग गरिएको जागरण अभियान मकवानपुरका अध्यक्ष कृष्णराज कोइरालाले बताए ।

कार्यक्रममा बोल्दै मृगौला पीडित विनिताले ४ वर्ष पहिले मृगौला जाँचगर्दा ५० प्रतिशत समस्या देखिएकोमा अहिले ८० देखि १०० प्रतिशत सम्म समस्या देखेको छ, त्यसको उपचार भनेको मृगौला प्रत्यारोपण रहेको बताइन् । ‘मृगौला प्रत्यारोपण हाम्रो लागि निकै महत्वपूर्ण हो, त्यो भन्दा जटिल प्रत्यारोपण पछि आउने र एक महिनामा एकलाख रुपैया बराबरको औषधी सेवन गर्नुपर्ने हुन्छ, त्यो हाम्रो लागि समस्याको कुरा हो ।’– उनले भनिन् । 

पत्रकार सम्मेलनमा निकै भावुक बनेकी उनले आफ्नो जीवन बचाउनको लागि सहयोग गर्ने सबैलाई धन्यवाद दिईन् । ४ वर्ष पहिले आफ्नो मृर्गौलामा समस्या भएको थाहापाएपछि उपचार गर्दै आएकी उप्रेतीले आफ्नो  छोरामा पनि आफुलाई जस्तै समस्या देखिदा स्वास्थ्य जाँच गराएकी थिइन् । जाँच गराउँदा दुवै मृगौला फेल भएको पाएपछि हामी चिन्तित भयौँ, सामान्य फलफूल बेच्ने मान्छेले कहिले त्यत्रो पैसा कमाइसक्नु र छोराको उपचार गर्नु ?  छोरा र आफुलाई औषधि खान पनि नपुग्ने भएकोले मृत्यु कुर्नुको विकल्प नभएको उनको भनाई रहेको छ । 

आर्थिक अवस्था नाजुक भएको र घरपरिवारले समेत वास्ता नगर्ने बताउँदै उनले आफुहरुको जीवन बचाउनको लागि सम्पूर्णलाई आग्रह समेत गरिन् । उनले भनिन् आफु त मरुला तर मेरो छोरा मेरै अगाडि मरेको म कसरी हेरुँ ? दुई वर्ष अघि छोराको मृर्गौला ७७ प्रतिशत विग्रेको भन्ने कुरा डाक्टरले भनेको बताउँदै उनले छोरालाई केहि समय बचाउन पनि हप्तामा ३ पटक डायग्ल्यासीस गर्नुपर्ने बताईन् । छोराको आफ्नो उपचार गर्दा सबै सम्पती सकिएको र पाँच लाख ऋण लागेको बताउँदै उनले आफ्नो र छोराको मृर्गौला फेर्नको लागी ३० लाख भन्दा धेरै लाग्ने भएकोले मृत्यु कुर्नुको विकल्प नभएको बताईन् । 

पत्रकार सम्मेलनमा निकै भावुक बनेकी उनले उपचारमा सहयोग गरिरहनको लागि सबैलाई आग्रह समेत गरिन् । कार्यक्रममा अभियानका केन्द्रिय सदस्य  जनकमान डंगोल, वरिष्ठ सल्लाहकार भिमसेन महत, पत्रकार महासंघका पूर्व केन्द्रिय सदस्य प्रताप विष्ट, पत्रकार महासंघ मकवानपुरका सचिव कृष्णसारु मगरलगायतको आतिथ्यता रहेको थियो ।

आमा बिनिता उप्रेती तथा छोरा आशिष उप्रेती मृगौला पिडित सहयोग संकलन विवरण:

जनक कुमार डंगोल मार्फत:
क्र.स		दाताको नाम	स्थान		मार्फत		रकम रु
१		आर दाहाल समेत	काठमान्डौ		रेमिटान्स		४९००/-
२		गोबिन्द श्रेष्ठ	बिदेस		रेमिटान्स		५१५२/-
३		जंगबहादुर	बिदेस		रेमिटान्स		२९८९/-
४		प्रकाश सुनुवार	बिदेस		रेमिटान्स		२०००/-
५		डील्ली ढुंगाना	बिदेस		रेमिटान्स		५१२८/-
६		अनिल कार्की	बिदेस		रेमिटान्स		५०६७/-
७		अर्जुन हमाल	बिदेस		रेमिटान्स		२०००/-
८		ध्रुब प्याकुरेल	काठमान्डौ		रेमिटान्स		१००१/-
९		जोनी पहरी	बिदेस		रेमिटान्स		५९००/-
१०		पाठकजी	बिराटनगर		रेमिटान्स		९०००/-
११		धन बिक्रम मल्ल	पोखरा		रेमिटान्स		५०००/-
१२		देब नारायण तिवारी	बिदेस		रेमिटान्स		७००९/-
१३		दिनेस सिवाकोटी	स्यांग्जा		रेमिटान्स		२१००/-
१४		हरि न्यौपाने समेत	बिदेस		रेमिटान्स		७६६९/-
१५		शान्ति शर्मा समेत	बिदेस		रेमिटान्स		१३७५०/-
१६		निक्स प्रसाई	बिदेस		रेमिटान्स		५१००/-
१७		राजन कर्माचार्य	बिदेस		रेमिटान्स		५०००/-
१८		सुधिर बिज्ञान सापकोटा	काठमान्डौ		बापू सप्लायर्स मार्फत		१०००/-
१९		धन बहादुर थापा	हेटौडा ७		नगद		२०००/-
२०		बिष्णु प्रसाद अधिकारि	हेटौडा  ८		नगद		५००/-
२१		रोहित के.बि	हेटौडा  ८		नगद		५००/-
२२		दिवाकर मैनाली	हेटौडा  ८		नगद		५००/-
२३		ढुन्डीराज आचार्य	हेटौडा  ८		नगद		५००/-
२४		अजय खड्का	हेटौडा  ८		नगद		३०५/-
२५		हेम गुरुङ	हेटौडा  ८		नगद		५००/-
२६		कमाने एकेडेमी	हेटौडा ८		नगद		५०००/-
२७		राकेस रिमाल	अमेरिका		नगद		५१०५/-
२८		ओम फुयाँल	हेटौडा -७		नगद		५००५/-
२९		सुनिल श्रेष्ठ	ई-कोशी डटकम		नगद		५५५५/-
३०		आंगमाया शेर्पा	अमेरिका		रेमिटान्स		५०२९/-
३१		प्रकास मैथिल	सिराहा हाल बिदेस		रेमिट्यान्स		१०००७/-
३२		कमला घलान	हेटौडा ८		नगद		१०००/-
३३		राजेन्द्र कोज्यु	भक्तपुर		रेमिटान्स		५०००/-
३४		तुलसी भटराई	मलेसिया		रेमिटान्स		२०९९/-
३५		समा श्री	ईजराईल		रेमिटान्स		२५०००/-
जम्मा:							१,६३,४६५/-
बालकृष्ण दाहाल मार्फत
१		उत्सब चौलागाई	हेटौडा ६		नगद		१५००/-
२		धिरज न्यौपाने	हेटौडा		नगद		२०००/-
३		प्रकास पोख्रेल	हेटौडा ११		नगद		१०००/-
४		दिपक बर्तौला	हेटौडा २८		नगद		१०००/-
५		लालकाजी बज्राचार्य	हेटौडा		नगद		३०००/-
६		सरद कर्माचार्य	हेटौडा		नगद		२०००/-
७		आर्जन  उप्रेती	कतार		रेमिट्यान्स		१११२८/-
८		सुमन सापकोटा	कतार		रेमिट्यान्स		३५८२/-
९		गोपाल पुन	कतार		रेमिट्यान्स		१०४५/-
१०		बिकास श्रेष्ठ	कतार		रेमिट्यान्स		१०४५/-
११		आईमान तामांग	कतार		रेमिट्यान्स		१०४५/-
१२		खेमराज बास्तोला	कतार		रेमिट्यान्स		१०४५/-
१३		हरि पुन	कतार		रेमिट्यान्स		१०४५/-
१४		धनजित राई	कतार		रेमिट्यान्स		१०४५/-
१५		दिपक बिस्ट	कतार		रेमिट्यान्स		१०४५/-
१६		किसन सुनुवार	कतार		रेमिट्यान्स		१०४५/-
१७		महेन्द्र जी.सी	कतार		रेमिट्यान्स		५५४ /-
१८		ध्रुबराज ढकाल	हेटौडा		नगद		१०००/-
जम्मा:							३५,१२४/-
कृष्णराज कोईराला मार्फत:
१		मकवानपुर निर्माण ब्यबसायी संघ हेटौडा			नगद		५०००/-
२		अभय श्रेष्ठ	हेटौडा		नगद		१०००-
३		सुरज बर्तौला	हेटौडा		नगद		५००/-
४		N/S कृष्णदाई	हेटौडा		नगद		८१५०/-
५		नवराज अर्याल	हेटौडा		नगद		५०००/-
६		बिनोद तिमिल्सिना	काठमान्डौ		नगद		१४६१/-
७		सिविल बैंक	हेटौडा		नगद		२५००/-
८		कैलास ढकाल	हेटौडा		नगद		४०००/-
जम्मा:							२७४६१/-
१		दाउन्ने फिड भैरहवा	भैरहवा		पिडितको खातामा		२५०००/-
२		राजेन्द्र प्रसाद पन्त	काठमान्डौ		पिडितको खातामा		११००/-
३		निर्मला शर्मा	काठमान्डौ		पिडितको खातामा		३०००/-
४		राजेन्द्र श्रेष्ठ	काठमान्डौ		पिडितको खातामा		५००/-
५		समुन्द्र मार्फत	हंगकंग		पिडितको खातामा		३६१४५/-
जम्मा:							६५७४५/-
१	भीमसेन घिमिरे तथा साथीहरु			दक्षिण कोरिया		चेकबाट	१,००,०००/-
जनक कुमार डंगोल मार्फत जम्मा:							१,६३,४६५/-
बालकृष्ण दाहाल मार्फत जम्मा :							३५,१२४/-
कृष्णराज कोईराला मार्फत:							२७,४६१/-
पिडित आशिष उप्रेतीको खातामा जम्मा:							६५,७४५/-
बजार संकलन जम्मा :							४९,०००/-
महोत्सबबाट संकलन जम्मा:							११,७६५/-
कुल जम्मा:							४,५२,५६०/-