परदेशि छोरालाई आमाको चिठी

नवराज शर्मा सुबेदी

घर आउ मेरो छोरा बुहारीले टेर्न छाडी
बाल बच्चा घरको काम सबै कुरो हेर्न छाडी

 

झिस्मिसेमै उठि हिड्छे राति मात्र घर पस्छे
प्याण्ट शर्ट पहिरिन्छे चोलि सारी बेर्न छाडी

 

बाँ बाँ गर्दै कराउछ भोकै हुँदा गोठमा गाई
सुख्खा पराल दिन्छे बरु घाँसको फ़ेद सेर्न छाडी

 

अन्तै छ रे लसपस भन्ने सुन्छु गाऊँघरमा
डुब्छ नानि गुहु मुतमा थरा थाङ्ना फ़ेर्न छाडी

 

चाल निको नदेखेर बाध्यतामा भन्दै छु म
कुरा बुझ तिमिलाई नैं चिठि पत्र केर्न छाडी