झुठको खेति !

हेटौडा बाट भैसे हुँदै भीमफेदी निस्केर त्याहा बाट कुलेखानी ड्याम मुनिको बाटो बाट सिस्नेरी , दक्षिणकालीको बाटो हुँदै काठमाण्डौको चक्रपथ बल्खु निस्कने बाटो अर्थात हाल भन्ने गरेको सुरुंग मार्ग ! त्यो बाटो काठमान्डौको टेकुभ न्सार, चक्रपथ बल्खु बाट फर्पिंग हुँदै दक्षिणकाली सम्म भारतले बनाइ दिएको हो ! दक्षिणकाली बाट छैमले, सिस्नेरी र कुलेखानी सम्मको बाटो स्थानिय खानि बाट  निकालेको ढुंगा लैजानको प्रयोजनको लागी लागी निजि व्यक्तिले बनाएको हो जसलाई स्थानीयले “ढुंगा ठेकेदारको बाटो” भन्छन ! कुलेखानी ड्याम देखि भैसे सम्मको बाटो लाइ कुलेखानी ड्याम तयार पार्नको लागि हाज्मा कम्पनीले तयार पारेको हो अर्थात नेपाल बिधुत प्राधिकरणको प्रयोजनको लागी तयार पारिएको बाटो ! भीमफेदी देखि भैसे निस्कने बाटो भनेको त्यो राणाकालीन युगको बाटो हो भने भैसे देखि हेटौडा खण्ड त्रिभुवन राजपथमा पर्छ !

हेटौडा काठमाण्डौ ओहोर दोहोर गर्ने सिलसिलामा मैले हालसालै ढुंगा ठेकेदारले बनाएको 'दक्षिणकाली देखि कुलेखानी ड्याम' सम्मको खण्डमा ठाउँ ठाउँमा गाडिएको माइल स्टोन अर्थात दुरी जनाउने स्तम्भ मा नेपाल-भारत सहयोग लेखिएको देखे भने कुलेखानी ड्याम देखि भैसे सम्मको खण्डमा पर्ने बाटो लाइ मदन भण्डारी राजमार्ग भनेर कुलेखानी ड्याम मुनि साइन बोर्ड ठड्याएको देखिन्छ ! हाँसो उठ्दो कुरा के छ भने फर्पिंग देखि भैसे सम्मको खण्ड लाइ तत्कालिन श्री ५ को सरकारले बिरेन्द्र राजमार्ग भनेर नामकरण गरेको छ जसको साइनबोर्ड फर्पिंगमा गाडिएको थियो !  आफुले सहयोग गरेको स्थानमा नेपाल-भारत सहयोग भनेर लेख्नु त्यो जायज हो तर अर्काले बनाएको निजि बाटो लाइ भारतले मैले बनाइ देको भनेर दाबि गर्नु काहाँको जायज हो ? के भारत लाइ थाहा नभाको हो र हेटौडा देखि काठमान्डौ निस्कने कति वटा चोर बाटो छ भनेर ? यदि असल मनसायले सहयोग गर्ने भएको भय त्रिभुवन राजपथको साटो उसले यो छोटो दुरीको बाटो बनाइ दिन्थ्यो होला ! अनि अर्काले बनाएको बाटो लाइ व्यक्तिको नाममा राजमार्ग ठड्याउदैमा त्यो कसरि मदन भण्डारी राजमार्ग हुन्छ ?