ओलीले भने, “खबरदार ! जबरजस्ती प्रस्ताव पेश गरे,राम्रो हुँदैन्”

 

 ४, पुस काठमाडौं: सभामुख ओनसरी घर्तीमगरको आह्वानमा बसेको प्रमुख तीन दलको शीर्ष बैठकमा  नेताहरुवीच गाँड कोराकोर देखि आरोप प्रत्यारोप भएर बिना निष्कर्ष बैठक टुंगिएको छ ।

प्रमुख प्रतिपक्षी दल नेकपा एमालेका अध्यक्ष केपी शर्मा ओली कडा रुपमा प्रस्तुत हुँदै सत्तारुढ दललाई जबरजस्ती संविधान संशोधन प्रस्ताव पेश नगर्न चेतावनी दिएका छन् । बैठकमा उनले एमाले हुँदा हुँदै संसदमा संशोधन प्रस्ताव पेश गर्ने चेष्टा नगर्न प्रधानमन्त्री पुष्पकमल दाहाल प्रचण्डलाई खरो निर्देशन समेत दिएका छन् ।

अध्यक्ष ओलीले संविधान संशोधन प्रस्ताव अत्यन्तै महत्वपूर्ण प्रस्ताव भएकाले यसलाई सहमतिमा लैजानुपर्ने तर प्रधानमन्त्री प्रचण्डले भने आफूलाई अहिलेसम्म एमालेले कहिल्यैपनि सहयोग नगरेको गुनासे पोख्दै बैठकमा प्रधानमन्त्री दाहालले एमाले अध्यक्ष ओलीलाई भनेको भनाईउद्धत गर्दै स्रोतले भन्यो,“तपाईहरुले मलाई कहिल्यै सहयोग गर्नुभएन, तर मैले तपाईहरुलाई लाई ठूलो गुण लगाएको छु, मैले गरेको गुण देख्नु भएन त्यसैले अब म जसरी पनि प्रस्ताव सदनमा पेश गर्छु ।”

प्रचण्डले संशोधन प्रस्ताव बुहमत पुर्याउन नदिनको लागि अध्यक्ष ओलीलाई चूनौति समेत दिएका छन । सत्ता पक्ष तथा विपक्षहरुको जुहारीले गर्दा संबिधान संशोधन हुने वा नहुने भन्ने यसै भन्न सकिन्न किनभने दुवै पक्ष बीच यतिखेर बलेको आगो निभाउने भन्दा बलेको आगोमा घ्यु थप्ने काम मात्र भएको देखिदैछ ।