 |
यो संबिधान बनाउने मेलोले गर्दा बिगत केहि महिना देखि हाम्रा महान क्रान्तिकारी ड्यासे बैद्यबा काम नपार बेगारी बेगारी जस्तै बन्नुभाको थियो । मदेसबाट पाहाडीया खेदेर सुपरहिरो भका उपेन्दर जादब भैया पनि यतिखेर बेगारी छन । यी दुवै बेगारी पार्टीका बेगारी नेताहरु हिरो बाट जिरो भका छन !
किस्मत किस्मतकि बात हे मिलाओ दाहिना हात हे भन्दै उपेन्दर भैयाले 'डुबा हुवा आद्मिके लिए तिन्का हि साहारा' भन्दै बैद्यबा संग लगन गाँठो कसेछ्नरे ।
आन्दोलन, बन्द र हड्ताल देखि केहि थान गाडीलाई अग्निदहन नगरे सम्म जनताले पत्यौदैनन त्यहि भएर बैद्य बा र उपेन्दर जादब भैया भएर सुपर आन्दोलन गर्ने भएका रैछन ।
आन्दोलान गर्नु भन्दा पहिला ब्यापक प्रचार प्रसार गर्नु जरुरि छ । संहारकर्ता भगवान भोलेनाथ आन्दोलनकारिहरुको लागी दाहिना बनेर आउनु भाको छ क्यार यो सालमा ।
भगवान भोलेनाथको काम भनेको संहार गर्ने हो भनेर पुराणा पण्डित बाजेहरूले बताम्नु हुन्तो । त्यहि भेर होला यसपाली भोलेनाथले नेपाला प्रचण्ड लिला देखाई दिनु भो । नतिजा बैसाख १२ गते र ३१ गते देखि हाल्नु भो क्यार ।
महाराजाधिराज स्व.महेन्द्र को ईक्षा तथा हुकुम बक्से बमोजिम २६ साला पन्चेहरुले बनाईदेको हेटौडा औधोगिक क्षेत्रा यसपाली धेरै साउबाहरुको कारखानाको बाहिरि पर्खालले मादेउ भगवानको कम्पन सहन नसकेर धररा जस्तै ग्वार्लाम्म भाको थियो !
त्यस मध्येमा गोर्खा लाहारी भन्ने क्यान्सरे कम्पनिले माउबादिको जस्तै स्टाईलको नक्कल गर्दै युद्धस्तरा पर्खाल ठड्यार कोरीबाटी चिटिक्क पार्देर बैध्यबाको बाटो कुरी बसेका पनि महिनौ हुन लागि सकेको छ ।
नपत्याय फूटा हेर्नुस त ।
 |
| तस्विर: जनकमान डंगोल/गोर्खा लाहारी प्रा.लि.हेटौडा औधोगिक क्षेत्र |
म र मेरो गुच्चे साथि ब्यान ब्याना मुर्निंग वाक भन्दै हावा खान निस्कन्छ्म । आजको मिति सम्म कुनै माईकालालले क्यान्सरेको बाहिरि पर्खालको भित्ता हकदाबी गर्न गका छैनन बैध्यबा ।
संबिधान बनेको भोलिपल्टबाट आन्दोलन सुरु गर्ने भनेर सौता पार्टीले पनि च्यालेन्ज गरेका छन बैध्यबा । यो कुरा क्रान्तिकारी जस्तो देखिने हजुरको सौता पार्टीको रोल लम्बर ३ का काम्रेट नारान्काजीले भनेको भनेर नेपालको १ नम्बरे बिजुली पत्रिका हौ भनेर फुर्ति लाम्ने अन लाईन खबरा मुईले हिजो मात्र पढे ।
अर्थोक त त्यस्तै हो बैध्यबाको भुराहरु मुन्छेको घरको भित्तो देखि पर्खाला रंगी बिरंगी नारा पोत्न खप्पिस छन । तिनलाई कोहि कसैको आदेस लिनु पर्दैन । मनमौजी तवरका हुन रे । अब उपेन्दर संग यारी गरेसी घागडान संग प्रचार प्रसार गर्नु पर्ने भएकोले बेलैमा क्यान्सरे कम्पनीको भित्तो ऋजाब गर्नुस है बैध्यबा नत्र सौता लाग्लान ।
बैध्यबा त मजदुरको मसिहा हुन क्या र त्यसैले भित्तो पोत्ने ज्याला र रंगको दाम चै उपेन्दर जादब संग बेलैमा माग्नुस है । हाम्रा हेटम्डाको मजदुरहरु अलि गरम मिजाजका छन । पहिला दाम पछी काम गर्ने खालका हुन है बेलैमा जानकारी गराई देको छु । बेलैमा भुक्तानी भएन भने ठोक्न बेर लाम्दैनन । ३६ साले पो हुन त ।
बैद्यबाले बिस्वास नगर्लान भनेर क्यान्सरे कम्पनीको भिताको फुटो पनि सान्दारको साथ यहि ब्ल्गा डाम्देकोछु । शुभचिन्तकको नाताले जानकारी गराम्ने काम हो क्यारे । त्यहि भे र समयमै भन्देको हुम ।
आग्ये बैध्यबाको जो मर्जी !
0 Comments:
Post a Comment