धान खाने मुसा चोट पाउने भ्यागुता

जनकमान डङ्गोल/janakdangol@gmail.com

भारतको बिहारमा यतिखेर बिधान सभाको निर्वाचन हुदैछ ! यो निर्वाचनमा भारतिय जनता पार्टीलाई हराउन सम्पूर्ण बिपक्षी सक्तिहरु एक भए लागेका छन ।

मोदीको दुत बनेर भारतीय बिदेस सचिब आए तर यो बिषयलाई धेरैले आ-आफ्नै तरिकाले बिश्लेष्ण गरे र गर्नु पनि स्वाभाविकै हो ।

नेपाल संग सिमाना जोडिएको पश्चिम बङ्गाल, बिहार देखि उत्तरप्रदेश हुँदै उत्तराखण्डको भारतीय राजनीति अलि भिन्नै प्रकारको छ । खुल्ला सिमानाको फाईदा उठाउदै दोहोरो नागरिकताधारीहरुले यता उता दुवै तर्फ निर्वाचनमा भोट हाल्छ्न ।

खुल्ला सिमाना कतिको घातक हुन्छ बल्ल आएर भारत सरकारले बुझ्दैछ भने हिजो दोहोरो नागरिकताको लागि हाम्रा देसका राजनीतिक सक्तिहरुले किन उक्सायौ भन्ने व्यहोरा  अहिले हल्का रुपमा बुझे भने पूर्णरुपमा समय आए पछी भारतले पक्कै बुझ्ला ।

अपराधी र नेताहरुको कुनै धर्म तथा मानबियता हुन्न । आफु सत्तामा पुग्नको लागि जे जस्तो निच घटिया काम गर्न पनि पछी हट्दैनन ! जुन दुवै तर्फ्ना हामी नागरिकहरुले बर्षौ देखि देख्दै र भोग्दै आएका छौ ।

नेपालमा एक मदेसको नारा लाउन सिकाउने भारतीय कांग्रेस आई हुन र भारतीय कांग्रेस आई पश्चिमाको पुच्छर हो । स्वयंम यो कुरा भारतका राजनेता दखि बुद्धिजिबी नागरिकहरुले राम्रो संग बुझेका छन किनभने कांग्रेस आईका सोनिया गान्धी जन्मसिद्ध भारतीय नागरिक  हैनन ।

मोदीको दुत बनेर आउने जय संकर सरकारी कर्मचारी हुन र आफ्नो सरकारको निमकको सोझो गर्नु तिनको कर्तब्य पनि हो । दुत बनेर आए पछी दुतको धर्म मात्र निर्वाह गरेका हुन र त्यो भन्दा अरु केहि पनि हैनर तिनले गर्न पनि सक्दैनन ।

हाल बिहारमा हुँदै गरेको बिधान सभाको निर्वाचनमा नेपालको दोहोरो नागरिकताधारीहरुले भा.ज.पा लाई मत दिएन भने बिहारको चुनावमा भा.ज.पा नराम्रो संग पराजय हुन्छ र आफ्नोपार्तिको साख गिर्छ भन्ने कुरा पनि भारतीय जनता पार्टीका नेताहरुलाई राम्रै संग थाहा छ ।

हिजो आफ्नै देसका एउटा सक्तिसाली राजनीतिक शक्ति भारतीय कांग्रेसले ले उचालेको समस्या आज आएर सत्तामा बस्ने आर्को सक्ति भा.ज.पा लाई तातो पिडालु जस्तै भएको छ । नेपालमा गिद्धे दृस्टी लाउन सिकाएका भारतीय कांग्रेसीहरुले हुन ।

नेपालमा बस्ने मदेसिको आवाज नसुनौ भने हालको बिहार निर्वाचनमा आफ्नो पार्टीलाई अप्ठ्यारो पर्छ तर नेपालको हालको वर्तमान समयमा हस्तक्षेप गर्ने हो भने भारत बिश्व जगतमा नराम्रो संग नागिन्छ भन्ने कुरा के मोदी सरकारलाइ थाहा नभएको र ?

नेपाल स्वतन्त्र रास्ट्र हो र उतिबेला सिक्किम बिलय गराएको जस्तो समय अहिले छैन । नेपालको तराईमा बस्ने अंगिकृत नागरिकताधारी मदेसीहरुमा जति असन्तोष फैलिन्छ त्यतिनै घाटा नेपाललाई हैन आफैलाई हुन्छ भन्ने भेउ पाएर नै भारत सरकारले बिशेस दुत बनाएर आफ्ना बिदेस सचिब पठाएका हुन भन्ने मेरो विश्लेषण हो ।

भारतको कांग्रेसी सरकारले गरेको जति पनि नराम्रा कामहरु छन तिनलाई मोदी सरकारले समयमै सुधारेन भने घाटा नेपाललाई हैन स्वयम भारतलाई नै हुन्छ । यस्ता कुरा भारतका सबै राजनीतिक पार्टीहरुले समयमै बुझ्नु  जरुरि छ किनभने सत्तामा सधै भरि एकै पार्टीको बर्चस्व कायम हुन्न ।

छिमेकी भनेको मर्दाको मलामी र ज्यूँदाको जन्ती हो भन्छन त्यहि माथि नेपाल संग भारतको रोटि देखि बेटी सम्मको साईनो छ ।   आफ्ना सबै छिमेकीहरु संग सम्बन्ध बिगारेको फल कस्तो हुन्छ भारतले अहिले आएर देख्दैछ र भोग्दैछ भने छिमेकी संग दुस्मनी हैन मित्रताको हात बढाउनु पर्छ । भारतिय राजनेताहरुले यस्ता कुराहरु समयमै बुझुन ।