दशैको शुभकामना !

प्रजातन्त्र देखि गणतन्त्र देशको लागी अभिसाप

-जनकमान डंगोल

२००७ सालमा नेपालमा पहिलो पटक प्रजातन्त्र स्थापना भयो ! १५ सालमा पहिलो पटक आम निर्वाचन सम्पन्न ! दूई बर्ष नपुग्दै २००१७ सालमा पंचायती ब्यबस्थाको सुरुवात !

• २००७ फागुन देखि देखि २००१७ पौष सम्म अर्थात ९ बर्ष १० महिनाको अवधिमा ६ जना पुलिसको आई.जि.पी नियुक्ति अर्थात १ जनाको भागमा सरदर १६ महिना !
• १०१७ देखि २०४६ अर्थात २९ बर्षको बिचमा ६ जना आई.जि.पी नियुक्ति गरिएको रैछ अर्थात १ जनाको भागमा ५६ महिना !
• २०४६ साल देखि आजको मिति सम्म अर्थात २८ बर्षमा नेपाल प्रहरीमा १३ जना आई.जि.पी नियुक्ति भई सकेको छ र त्यो भनेको १ जनाको भागमा सरदर २५ महिना हुन आउछ !

अब अनुमान गर्नुहोस कुन शासन पद्धतिमा रास्ट्र सेवकहरुले आफ्नो पूर्ण कार्यकाल पुरा गरेका रैछन ?

त्यसैले देसमा भाँडभैलो मच्चाउने प्रजातन्त्र देखि कथित गणतन्त्र अर्थात बिदेसीहरुले हुल्देको शासन ब्यबस्था भन्दा पंचायती शासन ब्यबस्थानै अब्बल रैछ भनेर किन नभन्ने ?

गरे के सम्भव छैन

-जनकमान डंगोल

आज बिक्रम सम्बत २०७४ आश्विन १ गते आईतवार अर्थात सन २०१७ सेप्टेम्बर १७ तारिख सन्डे अर्थात अमृत प्राप्तिको लागी सुर र असुर मिलेर समुन्द्र मन्थन गरिदा भगवान बिश्वकर्माको जन्म भएको दिन भनेर शास्त्रमा लेखिएको छ ।

वास्तुसास्त्रको जन्मदाता भगवान बिश्वकर्माले नै स्वर्गलोक, रावणको स्वर्ण नगरी लंका कृष्ण भगवानको द्वारिका समेत बनाएको हुन कथन पनि छ ।

आजको दिन हिन्दु धर्मालम्बीहरुले कलकारखाना देखि गाडी घोडालाई सिंगार पटार गरेर ॐ आधार शक्तपे नम: और ॐ कूमयि नम:, ॐ अनन्तम नम:, ॐ पृथिव्यै नम: भन्दै पुजा गर्ने र दिनभरी नाचगान गरेर रमाईलोको साथ मनाउने गर्छन ।

चाहेमा र गरेमा जे पनि सम्भव छ । उदाहरणको लागी नेपालमा 'बिज्ञान दिबस' मनाउने चलननै थिएन । संसारभरी मनाउने बिज्ञान दिबसको दिन भनेको प्रत्येक बर्षको नोभेम्बर महिनाको १० तारिख हो तर डाक्टर बाबुराम भटराईले आफु बढेको बिज्ञान कलेज 'अस्कल कलेज'को सम्झना गर्दै आजको दिनलाई 'बिज्ञान दिबस' भनेर घोषणा गराएका थिए ।

बिशेष गरि मजदुरहरुले उल्लासमय वाताबरणमा मनाउने पर्वको दिन भनेर आजको दिनलाई लिन्छन तर नेपालमा आजको दिन भन्दा पनि बढी मे अर्थात मजदुर दिबसलाई महत्व दिने गरिएको छ तर धर्म नमान्ने कम्युनिस्टहरुले पनि नेपालको बिश्वकर्मा पुजामा भाग लिन्छन भने मे दिबसको सट्टा आजको दिनलाई नै 'बिश्वकर्मा पुजा तथा मजदुर दिबस' भनेर छुट्टी दिने हो भने नेपालको बिदाको क्यालेन्डरबाट १ दिन भए पनि बचत भएर देस र सरकारलाई फाईदा हुने थियो । 

रा.प्र.पा को घोषणा पत्रमा के छ ?

पहिलो जस्तै गरि दोश्रो चरणको चुनावमा रा.प्र.पा पनि भाग लिदैछ र रा.प्र.पा को घोषणा पत्रमा के के छ त ?
घोषणा पत्रमा उल्लेख गरिएको बुंदाहरु पुरा होलान ?

हेटौडा-काठमान्डौ सुरुंग मार्ग अब एकादेसको कथामा परिणत भयो !

सकियो रेडियो अनमोलको ७ दिने तालीम

भाद्र २६/हेटौडा: औधोगिक नगरी हेटौँडामा यहि असोजमा सञ्चालनमा आउन थालेको रेडियो अनमोल ९० मेगाहर्जले भदौ १८ गतेबाट सुरु गरेको ७ दिने रेडियो उद्घोषण तथा स्टेज पर्फोमेन्स् तालिम  समापन भएको छ ।

रेडियोका स्टेसन कोअर्डिनेटर बालकृष्ण दाहालको अध्यक्षता तथा मकवानपुरका प्रमुख जिल्ला अधिकारी चक्रबहादुर बुढाको प्रमुख आतिथ्यतामा हेटौँडाको होटल आशिर्वादमा तालिम समापन गरिएको हो ।

कार्यक्रममा बोल्दै कार्यक्रमका प्रमुख अतिथि एवं प्रमुख जिल्ला अधिकारी बुढाले ‘संचारक्षेत्रले सधैँ सकरात्मक समाचार र सामाजिक उत्तरदायित्व बहन गर्दै समाज परिवर्तनका लागि समाचार लेख्नुपर्ने बताउदै समाचार लेख्नु अघि त्यो समाचार कसको लागि लेखिँदैछ भन्ने विचार गरेर लेख्नुपर्ने बताए । साथै सबै मकवानपुरे पत्रकारहरुलाई संरक्षण तथा सुरक्षाको प्रत्याभूति दिन प्रशासन अग्रसर हुने दाबी समेत गरेका छन ।

कार्यक्रममा बोल्दै कार्यक्रमका विशिष्ट अतिथि एवं नेपाल पत्रकार महासंघ मकवानपुरका अध्यक्ष हरि हुमागाईले रेडियोमा अवसर रहेको बताए । उनले प्रशिक्षार्थीहरुलाई महासंघले सदैव स्वागत गर्ने बताउँदै नयाँ अनुहारहरु पत्रकारिता क्षेत्रमा सक्रिय भएर लाग्नुपर्ने बताए । पत्रकारले समाचार व्यवसायिक ढङ्गले बिकाउ अर्थात प्रभाव पार्ने सक्ने लेख्नुपर्ने बताउँदै खोज समाचारमा लाग्न प्रेरणा दिए । पत्रकारितामा नाम र दाम दुबै भएको पनि उनले दाबी गरे ।

समापन कार्यक्रममा प्रशिक्षकका तर्फबाट संचारकर्मी एमपी शर्मा र चन्द्र घलानले संचार क्षेत्रका अवसर र चुनौतिका बारेमा मन्तव्य राखेका थिए । त्यस्तै प्रशिक्षार्थीको तर्फबाट शान्त थापाले तालिममका सिकेका कुराहरुलाई व्यवहारमा लागु गर्ने बताएकी थिईन् । कार्यक्रम समापन गर्दै कार्यक्रमका सभाध्यक्ष दाहालले रेडियो अनमोल अरु रेडियोभन्दा फरक ढङ्गले अघि बढ्ने दाबी गरे ।

तलिममा रेडियोको ईतिहास र यसका महत्व, रेडियो उद्घोषण, रेडियो नाटक, रेडियो कार्यक्रम स्क्रीप्ट लेखन, रेडियो कार्यक्रम उत्पादन, रेडियो प्राविधिक तथा स्टेज पर्फोमेन्सका बारेमा प्रयोगात्मक कक्षा दिइएको थियो । तालिममा प्रशिक्षकहरु रिपेश दाहाल, प्रभात लामा, चन्द्र घलान, बलराम पुडासैनी लगायतले विभिन्न विषयमा तालिम दिएका थिए ।

तालिमपश्चात उत्कृष्ट हुनेलाई रेडियो अनमोलमा रोजगारीको अवसर दिईनुका साथै तालिम लिने अन्यलाई समेत रेडियो कार्यक्रम उत्पादनमा लगाईने बताइएको छ । उत्कृष्ट हुनेहरु समेत छनौट भइसकेको बताइएको छ ।

कार्यक्रममा प्रशिक्षार्थीहरुलाई प्रमाण पत्रका साथै प्रशिक्षक तथा प्रमुख अतिथिलाई समेत मायाको चिनो वितरण गरिएको थियो । कार्यक्रममा प्रेश चौतारी मकवानपुरका अध्यक्ष प्रकाश दाहाल, मकवानपुर जागरण अभियानका उपाध्यक्ष जनकमान डंगोल समेतको उपस्थितिमा  रेडियो संचालक समितिका  कृष्णराज कोईराला, माधव गौतम , सलिना ढुङ्गेल लगायतले मन्तव्य व्यक्त गरेका थिए ।