गजल !

-रावत

जो-जो हिँडे माझीको पहिरनमा, चाल त हजूरकै थियो नि महाराज !
चिच्याउँदै भन्न थाले माछाहरु, जाल त हजूरकै थियो नि महाराज !!

खै कुन् श्रीले काट्यो फेरि चोभारको डाँडो, पानीभित्रै खैलावैला चल्यो
जहाँ-जसरी बगे पनि पानी, छाल त हजूरकै थियो नि महाराज !!

हुनसक्छ मेरै फायरिङ्ले ढले, ती मेरा भोका नाङ्गा सन्तानहरु !
तर गोली निस्कने त्यो कालो, नाल त हजूरकै थियो नि महाराज !!

आज मैं ढलेँ हजूरको गोलीले, किनकी मेरो जिब्रो मैसँग थियो !
गोली छिरे नि मेरो छतीभित्र, काल त हजूरकै थियो नि महाराज !!
-रावत
"एक सय एक रहरहरू" संयुक्त गजलसङ्ग्रह २०६४ बाट