Home » » शुपर्णखाहरु भन्दैछन तिम्रो फिगर कोकोकोला रे

शुपर्णखाहरु भन्दैछन तिम्रो फिगर कोकोकोला रे

Written By खांट्टी कुरा on Monday, September 05, 2016 | September 05, 2016

-जनकमान डंगोल 
गोरा र कुईरेको भाकामा ‘फिगर’ हाम्रो नेपाली भाकामा चै शरीरको बनावट भन्ने शब्दलाई यौटी तरुनि नेपाली गाईनीले गाएको गीत ‘तिम्रो फिगर कोकाकोला’ मा योपालि धेरैले मच्चिमच्चि, थच्चिथच्चि कम्बर मर्काए ! त्यसरी कम्बर मर्काउनेमा बकुल्लाको हुलमा कागहरु पनि देख्याथि ! त्यै  देख्या भएर आजको यो भित्तोमा ‘जनकमानको तीजे झटारो’ भनेर झटारो डाम्दैछु !

हिजाज हाम्री महान गणतन्त्रे नारि, महिला, आईमाई देखि औरतहरुको ज्यु ज्यान दिन प्रतिदिन राबनको बुईनी शुपर्णखा को जस्तो देख्छु भने तिनका श्रीमान, पोई, लोग्ने, खसम देखि बेट्वाके बापहरु चै सुदामाका जस्तो ! महान प्रजातन्त्र देखि अग्रगामी छलांग मारेर ल्याको व्यवस्थाले देखिएको नतिजा यस्तै हुन्छ क्या र !

ब्या गर्नु भन्दा अगाडी हिन्दीमा भाकामा भनिने ‘नासमझ’ नेपाली भाकाको ‘अज्ञानी’ बरा भालेहरुले उमेर नपुग्दै ‘लप’ भन्ने ‘मायाँ पिरती गास्न थाल्छन ! त्यसरी गास्ने बेलामा आफ्नी पोथि  अर्थात प्रेमिका लभरहरुलाई ‘जुन तारा टिपेर’ दिने देखि प्रिन्सेज भन्ने अंग्रेजी भाकाको  ‘राजकुमारी’ बनाएर राख्छु भन्दै अंग्रेजी भाकामा ‘प्रमिस’ , हिन्दि भाकाको वादा,कस्सम देखि नेपाली भाकाको किरिया खान समेत पछी हट्दैनन !

हिजोआजको जमानामा हाम्रो बाउ बाजे देखि मेरै जमानाको शादी ब्या हुन्न हजुर  ! जबर्जस्ति गर्न मिलेन ! बाउआमाले मनले खाको केटि ब्या गर्दिन खोज्यो भने घांटीमा डोरी लाएर पिंग खेल्छन ! मण्डपबाट भाग्न बेर लाम्दैनन त्यसैले आजकल त धेरै भुराभुरीहरुले उमेर नपुग्दै ‘फ्लाईंग म्यारिज’ अर्थात भागि ब्या गर्छन ! गाला मुस्तांगे स्याउ हुन्जेल रमाइलै हुन्छ ! जब जोईकी भुडीले करामत देखाउन थाल्छ त्यसपछि गैरी खेत बन्धकी राखेर हुन्छकी सयकडा ५ मा ब्याज काढेर हान्निने भनेकै खाडी मलेस्या हो क्यार ! ‘तोरी लाउरे’ र ‘डोरी लाउरे’ को परिभाषा पनि यहि नै हो  !

कुरो माथी टुप्पामा लेख्या फिगर देखि कोकोकोलाको आयो ! बरा सुदामा जस्ता ज्यान भका पोई देखि खसमहरुको जोईलाई हिजाज डोको नाम्लो भिरेर घाँसपात गर्न देखि बन जंगल चाहार्न जानु पर्दैन ! त्यहि जानु पर्ला भनेर पोई हिडेको महिना दिन नबित्दै भुराभुरी पढार ठुलो मान्छे बनाम्ने बहानामा गामबाट सहरा कोठो भाडामा लिएर बस्छन अथवा बस्न लगाईन्छ ! बाउ आमा भन्दा जोई प्यारो भ सी के लाग्छ नि राम तर त्यसरी बस्ने धेरैका भुराभुरीहरु ट्यापे अर्थात लागु औषधिका अम्मली भाको पनि देखिएको छ !

‘अल्छी तिघ्रे’ भएसी ‘स्वादे जिब्रो’ हुनेनै भो क्या र ! हिजो गाम्घरमा ढाडको छाला खुईलिने देखि अन्वार घामले डढ़ेर दक्षिण भारतका हिरो रजनिकांत जस्ता हाँडी अन्वार भकाहरु शहरमा डेरा गरेर बस्नासाथ फेयर लभ्लीको कमालले छुन पनि दाग लाग्ने हेलम्बुकी शेर्पिनी जस्ती जस्तो हुने रच्छ !


बरा पोईहरु खाडीमा खब्बुस भन्ने सुक्खा रोटि देखि मलेसियामा नासीलामा भन्ने भातमा नुनखोर्सानी मुछेर खाँदै दाम कमाउने यता जोईहरु कोठामा बसेर रिल्याक्स भन्ने आनन्दको जीवन बिताउने ! अब दोष कसलाई दिम, जोईलाई, पोईलाई कि सर्खार देखि ब्यबस्थालाई ?

जब तिज जस्तो चाडबाड आम्छ अनि तिनै शहरा बस्ने जोईहरु गाम्घरको कला संस्कृतिलाई चटक्क छोडेर शहरिया खिचडी मिस्साको ‘बोर भयो यार’, टेन्सन छ जिन्दगि देखि तिम्रो फिगर कोकोकोला भन्दै एउटा हातमा चुरोट आर्को हातमा टिनबिर्के रौसि ब्युरको बोत्तल देखाम्दै नाच्दैछन !
 त्यै फिगर अर्थात ज्यानको बनावट पनि सिसाको बोत्तल जस्तो सुलित्त परेको भे त गीतले भन्न खोजेको अर्थ लाउथ्यो ! ज्यान चै राबनको बुईनी शुपर्णखा अर्थात जम्बो कोकोकोलाको जस्तो अनि ‘तिम्रो फिगर कोकोकोला’ भन्दै नाच्ने देखि सबथोक देखाई दिन्छु ! मेरो सेक्सी ज्यान भन्दै अर्थ न बर्थ गोबिन्द गाई जस्ता शब्द घुसाउने अहिलेका जोति मगर्नी जस्त गाईनेहरु भसी उही हिन्दि सिनेमा ३ ईडीयटको पात्रले भन्ने गरेको शब्द माथीको बलात्कार भो कि नाई ? आफ्नु ता देख्या र भोग्या कुरा डाम्ने चलन छ त्यै भएर जस्तो देखे त्यस्तै डाम्दिये !

बिकृति देखि विसंगति बिरुद्ध लेखिएको यो व्यङ्ग्यले कोहि कसैलाई चोट पर्न गएमा क्षमाप्राथी छौ !
ई-कोशी डटकममा प्रकाशित  
Share this article :
 
Support : Creating Website | Johny Template | Mas Template
Copyright © 2011. खांट्टी कुरा - All Rights Reserved
Template Created by Creating Website Published by Mas Template
Proudly powered by Blogger