लोग्ने-स्वास्नीको झगडा परालको आगो !

• मुसाफिर काका
  

  
  

  झोडादेखी यत्रो साल सँगै बसियो खाइयो तर छेउघरे साइला साँइली झगडा गरेको कहिल्यै सुनेको थिएन । खै कुन्नी किन हो आज बिहानै साइला साइली ठुल्ठुलो स्वरले कराउदै बाझ्दैथियो । त्यो सुनेर छिमेकी बेलबोटे कान्छाले यसो झ्यालको एकछेउबाट चिहाएर हेर्यो । साँइली बलेसिमा खरेटोले बढार्दै फत्फताउदै थीइन । साइलोलाई निक्कै रिस उठेछ क्यार जुरुक्क उठेर साँइलीलाइ घोक्र्याउदै घरभित्र हुलेर भित्रबाट ढोका लायो । यता बेलबोटे कान्छाले सोच्यो ल्या .. अब मार्नेभो साइलाले ।
  जेजस्तो भएपनी ज्यान मार्नु त दिनुहुँदैन गाँठे, हारगुहार गर्दै कराइन भने त गएर बचाउनुपर्छ ! बेलबोटे कान्छा बिचार गर्दै बस्यो । तर साँइला साँइलिको घरभित्र न डाङ्डाङ् डुङ्डुङनै भयो नत हारगुहारनै । एकाध घण्टापछी साँइला थकित अनुहार लिएर बाहिर निस्कियो र चारैतिर नजर घुमाएर हेर्यो । त्यतिखेर बेलबोटे कान्छा झन झस्कियो ,,, ल्या .. बजियाले बिताइ'पो सक्योकी क्याहो ? ज्याहै .. त्यो बालबच्चाको बिजोग बनाउनेभो । हामीलाइपनी साची बस्नु र सर्जिमिन बक्नु हैरान दिनेभो । मनको तर्कना उर्लन्दै थियो तेतिकैमा साँइली फुत्त बाहिर निस्किन । अनी शर्मालु नजरले मुसुक्क हाँस्दै साँइलालाई पुलुक्क हेरिन र सोधिन -
  भोक लाग्यो होला खाजा बनाइदिउ ???? साँइलाले भन्यो पहिला चिसो पानी चाँही ल्याउ त .. आहा ! त्यो संम्बाद कती प्यारो थियो !
  लोग्ने-स्वास्नीको झगडा परालको आगो !
  छिमेकी बेलबोटे आगोको पराल ??